তারিক: ২১ এপ্রিল, ২০১৪
ত্যা দিএক মাহজ আগে চাদিগাঙঅত থাদে সলাত তারে এগগো নাকলাম্বা মরদে ভুলেনেই মোক বানেইএ। মিলেবো মোনো স্যারে আদামঅত্তুন চাদিগাঙঅত লেঘাপড়া গুরিবার জিএ। মিলেবো বয়জ এবঅ ১৬ বজর অহবঅ। নাকলাম্বাইয়ে হিলচাদিগাঙঅত এলঅ। তা ঘর চাগিগাঙঅত কনঅ এক জাগাত।
কয়েকদিন আগে নাকলাম্বাইয়ে হিলঅত কনঅ এক জাগাত বেড়াদে সলাত তারে কয়েগগো জুম্ম গাবুজ্জে ধুজ্জোন। নাকলাম্বাইয়ে মা-বাবঅরে হবর দিআ উইয়ে। জানেই দিআ উইয়ে, জুম্ম মিলেবোরে হিলঅত পাদেই দিআ পুরিবঅ। তারা শেজ অক্কর ’ত’ নাঙে জুম্ম মিলেবোরে হিলঅত তা মা-বাবঅ সিদু পাদেই দিলাক।
নাকলাম্বাইয়ে মানে সম্মানে সারা পেলঅ।
সমাজঅ মিলেউনে মিলেবোরে পেইনেই পোল্লেম তা ‘শাড়ি’আন হুলিবার কলাক। তারে পিনোন-হাদি পিনিবার কলাক।
তারপর তারে নানাকধা শোনেই দিআ অহলঅ। জাদর মানসম্মান মিলেউনোরই রক্কা গরা পরে, মিলেউনে নিজঅ জাদঅর মান ন রাঘেলে কন্না রাগেবঅ ইত্যাদি নানা কধাবাত্তা কোআ অহল। ত্যা অয়লবঅ পোরেল।
ত্যা তা অঙ্গীকারনামা লিঘিলঅ- ’মুই চাঙমা জাদর মান মর্যাদা রাগেম, জাদঅর রিদি সুদোম পালেম’
কিত্তেআন থুম অহলঅ বা শুরু অহল।
No comments:
Post a Comment